Meethaa saa dard

meethaa saa dard hai, meethi si chubhan hai

jal rahaa hai jism jismein ek aisi agan hai

yeh ishq hai yaaraa yaa hasi koi khwaab hai

jisko bhi dekh lijiye yahaan wahi magan hai

baarish ki boondon ko dekhiye jo jaan lenge

hai youwan kaa jaadoo, thodaa paagalpan hai

are koi roko ji mujhko, sambhaalo ji mujhko

main kahin udd naa jaaun, paagal pawan hai

shaayad lagaa hai yeh rog hum ko bhi, tabhi

paagal se hum hain, aur paagal yeh mann hai

bas dekhe koi us ko, main seh bhi naa paaun

hai yeh kaisi mohabbat, yeh kaisi jalan hai

bas uski hi baatein aur bas uski hi yaadein

mohabbat hi hai, yaa meraa deewaanaapan hai